مقادير “الكشك ألماظ”:

– كوباية زبادي

– معلقتين دقيق

– كوباية ونص شوربة

– مكعب مرق

– بصلة متخرطة للتقلية

– كوباية زبادي تتقلب بمعلقة في طبق غويط لحد ما يبقى زي الكريمة

– وعليهم معلقتين دقيق وتتقلب لحد ما يختلطوا تمام و يتغطوا ويتحطوا على جنب شوية.

– يتحط كوباية شوربة فراخ مسلوقة وعليها مكعب مرق وبس من غير ملح، المكعب هايملح كفاية.

– يدوب المكعب في كوباية الشوربة تماما على النار وبس يغلي، يتحط عليه معجون الزبادي بالدقيق اللي اتعمل.

– يتقلب كتير علشان يتخلط كويس الزبادي مع الشوربة – كل ما يكون تخين نزود شوية شوربة صغيرة لحد ما نوصل لقوام معقول اتقل من الكريمة شوية.

– تتقفل النار أول ما القوام يظبط والكشك يغلي.

– بصلة متخرطة تتقلي في الزيت لحد ما لونها يبقى بني فاتح (تقلية) نحط نص التقلية في حلة الكشك ويتقلب.

– يتحط الكشك في طبق تقديم وعليه من فوق النص التاني من التقلية بس كده.